Маңғыстау облысы бойынша тексеру комиссиясының кезекті отырысында «Бейнеу аудандық құрылыс бөлімі» мемлекеттік мекемесіне бөлінген бюджет қаражаты мен мемлекет активтерін пайдаланудың заңнамаға сәйкестігіне және тиімділігіне жүргізілген аудиторлық іс-шара нәтижесі қаралды.
Жүргізілген мемлекеттік аудитпен жалпы сомасы 8 791,7 мың теңгеге қаржылық бұзушылықтар және бірқатар рәсімдік сипаттағы бұзушылықтар анықталды.
Уақытша ғимараттар мен құрылыстардан жобалау-сметалық құжаттамада көзделген қаражаттың қайтарылуы қамтамасыз етілмеген.
Орындалмаған жұмыстар үшін қаржы аударылған.
Отырыста аталған аудиторлық іс-шара нәтижесі қаралып, аудиторлық қорытынды бекітіліп, қаулы қабылданды.
Бұзушылықтарды жоюға және бұзушылықтарға жол берген лауазымды тұлғалардың жауаптылығын қарау туралы нұсқама жолданды.