Оқу барысында Республикалық бюджеттің атқарылуын бақылау жөніндегі Есеп комитетінің 2020 жылғы 30 шілдедегі № 6-НҚ қаулысымен бекітілген сыртқы мемлекеттік аудит және қаржылық бақылау жүргізу қағидаларына енгізілген өзгерістер талқыланды. Талқылау барысында Тексеру комиссиясының ұйымдастырушылық-құқықтық, талдау және жоспарлау, сапа бақылау және мемлекеттік аудит және қаржылық бақылау бөлімдерінің басшылары /4 бөлім басшылары/ қызметкерлерге қағидаға енгізілген көптеген өзгерістерді атап өтіп және оның аудиторлық іс-шара барысында заңды түрде дұрыс қолданылуы жөнінде түсіндірді.