2023 жылдың 16 мамырында Маңғыстау облысы бойынша тексеру комиссиясының кезекті отырысында «Маңғыстау облысының ауыл шаруашылығы басқармасы» мемлекеттік мекемесіне жергілікті бюджеттен бөлінген қаражатты пайдалану тиімділігіне, соның ішінде: Қазақстан Республикасының агроөнеркәсіптік кешенін дамытудың 2021-2025 жылдарға арналған ұлттық жобасының іске асырылуының тиімділігіне жүргізілген мемлекеттік аудиттің қорытындысы қаралды.
Жүргізілген мемлекеттік аудитпен 23 976,6 мың теңгеге қаржылық бұзушылықтар, оның ішінде қалпына келтіруге жататыны – 3 500,0 мың теңге, бюджетке қайтарылуға жататыны – 20 476,6 мың теңге, бюджет қаражатын тиімсіз пайдалану бойынша жалпы сомасы 2 265,0 мың теңге, рәсімдік сипаттағы бұзушылықтар саны 77 бірлік.
Аудит бағдарламасымен көзделген нәтижелілік, тиімділік өлшемшарттары бойынша заңнамалардың жауапты тұлғалармен тиісті дәрежеде сақталмауы, зерделенбеуі себебінен бұзушылықтарға жол берілген.
Отырыста аталған аудиторлық іс-шара нәтижесі қаралып, аудиторлық қорытынды бекітіліп, қаулы қабылданды.
Бұзушылықтарды жоюға және бұзушылықтарға жол берген лауазымды тұлғалардың жауаптылығын қарау туралы нұсқама жолданды.
Әзірлеу және алып жүру: